श्री वामन स्तोत्रम् | Shri Vaman Stotram | Maharishi Kashyap | Vaman Dwadashi #narayan @Mere Krishna <br /><br />#ekadashi #vaman #narayan #narayana #वामन #नारायण #एकादशी <br /><br />कश्यपकृतं वामनस्तोत्रम् <br /><br /><br />कश्यप उवाच ।<br />नमो नमस्तेऽखिलकारणाय नमो नमस्तेऽखिलपालकाय ।<br />नमो नमस्तेऽमरनायकाय नमो नमो दैत्यविनाशनाय ॥१॥<br /><br />नमो नमो भक्तजनप्रियाय नमो नमः सज्जनरञ्जिताय ।<br />नमो नमो दुर्जननाशनाय नमोऽस्तु तस्मै जगदीश्वराय ॥२॥<br /><br />नमो नमः कारणवामनाय नारायणायामितविक्रमाय ।<br />सशार्ङ्गचक्रासिगदाधाराय नमोऽस्तु तस्मै पुरुषोत्तमाय ॥३॥<br /><br />नमः पयोराशिनिवासनाय नमोऽस्तु सद्धृत्कमलस्थिताय ।<br />नमोऽस्तु सूर्याद्यमितप्रभाय नमो नमः पुण्यकथागताय ॥४॥<br /><br />नमो नमोऽर्केन्दुविलोचनाय नमोऽस्तु ते यज्ञफलप्रदाय ।<br />नमोऽस्तु यज्ञाङ्गविराजिताय नमोऽस्तु ते सज्जनवल्लभाय ॥५॥<br /><br />नमो जगत्कारणकारणाय नमोऽस्तु शब्दादिविवर्जिताय ।<br />नमोऽस्तु ते दिव्यसुखप्रदाय नमो नमो भक्तमनोगताय ॥६॥<br /><br />नमोऽस्तु ते ध्वान्तविनाशकाय नमोऽस्तु ते मन्दरधारकाय ।<br />नमोऽस्तु ते यज्ञवराहनाम्ने नमो हिरण्याक्षविदारकाय ॥७॥<br /><br />नमोऽस्तु ते वामनरूपभाजे नमोऽस्तु ते क्षत्त्रकुलान्तकाय ।<br />नमोऽस्तु ते रावणमर्दनाय नमोऽस्तु ते नन्दसुताग्रजाय ॥८॥<br /><br />नमस्ते कमलाकान्त नमस्ते सुखदायिने ।<br />स्मृतार्तिनाशिने तुभ्यं भूयो भूयो नमो नमः ॥९॥<br /><br />यज्ञेश यज्ञविन्यास यज्ञविघ्नविनाशन ।<br />यज्ञरूप यजद्रूप यज्ञाङ्गं त्वां यजाम्यहम् ॥१०॥<br /><br />इति स्तुतः स देवेशो वामनो लोकपावनः ।<br />उवाच प्रहसन्हर्षं वर्धयन्कश्यपस्य सः ॥११॥<br /><br />इति नारदपुराणे पूर्वभागे एकादशाध्यायान्तर्गतं<br /> कश्यपकृतं वामनस्तोत्रं समाप्तम्
